Gasaren eta elektrizitatearen prezioak gora egiten du

Diario Vascok jakitera eman duenez, 2022an gasaren eta argindarraren prezioak gora egingo du: beste erkidegoek eta auzokideek ordainduko duten faktura bikoiztu eta hirukoiztu egingo da hornikuntzaren prezioen igoera neurrigabearen ondorioz («La factura de la calefacción se duplica en Gipuzkoa por el frío y el precio del gas” 2022/01/22ko DVren azalean).

Zoritxarrez horrela izango da. Baina ez Urberoan. Egia esan, gasaren prezioaren igoerak ere eragiten digu: bai elektrizitatearen unitatearen prezioa, bai gas naturalarena % 130 igotzen dira bakoitza 2022an, nahiz eta gasa den garrantzitsuena: 2021ean bero-ekoizpenaren kostu guztien % 40 suposatu zuen ( elektrizitatearen eta uraren kostuen % 6aren aldean). Datu hauek eskuan, gastu osoaren aldean gasaren pisua %58 pasatxora igoko dela aurreikusten dugu.

Dena dela, gure beroa ekoizteko sistemak kogenerazio-motor indartsu baten bidez aldi berean elektrizitatea sortzen dugu, sare elektrikora elikatzen dugula. Horren salmentatik ateratako diru-sarrerak Urberoako diru-sarreren %60 suposatzen du eta 2022an %64ra igoko direla kalkulatzen dugu. Eurotan, elektrizitatearen diru-sarrerak 2019an 860.000 eurotik 2021ean 1.200.000 eurora igaro dira. 2022an zertxobait gehiago igoko direla uste dugu… nahiz eta arlo honetako aurreikuspenak beti arriskutsuak izan.

2021ean elektrizitatearen diru-sarreren igoera honek 300.000 euro inguruko irabazi gordina ekarri du, gure historian benetan ezohiko zerbait. Datua argia da: 2021ean tasen igoerak eta tenperatura hotzek bultzatutako eta bono sistemak erraztutako kontsumoaren igoerak 100.000 euroko diru-sarreren igoera garbia besterik ez du ekarri. Batez ere elektrizitateari zor dizkiogun onurak.

Zer eragin izango dute onura hauek Urberoako kontuetan eta gure auzokideen poltsikoetan? Bada, prezioak egonkortzeko erreserba funts bat eskaintzeko aukera ematen digu, 2022an prezioak aldatu gabe mantentzea ahalbidetuko duena... eta agian 2023an ere bai.

Prezioak ez ukitzeak galerak sortuko dizkigu, dudarik gabe, 2022an. Baina adierazitako egonkortze-erreserbako karga batekin konpentsatu daitezke. Azken finean, Errusiarekin eta Aljeriarekin gertatzen dena bistatik galdu gabe, egungo prezio igoerak iragankorrak izango direla uste dugu... nahiz eta igarobidea ez den zertan laburra izan.

Beste mundu batzuk ere badaude, baina 2022an Urberoan dagoena lasaiagoa izango da...